संयोग र वियोगको, मेल हो कि जीवन
सुकिहाल्ने वर्षातको, भेल हो कि जीवन
मरी मरी दुख गर्यो, सुख शान्ति छैन
बाध्यता र विवशताको, नेल हो कि जीवन
गर्न पनि नसकिने, हेरी छाड्न भेन
बन्धन र व्यवधानको, जेल हो कि जीवन
यता टाल्यो उता टाल्यो, जताततै प्वाल
समय र नियतिको, खेल हो कि जीवन
घाम सोचे पानी पर्ने, दिन सोचे रात
प्रकृति र विधाताको, झेल हो कि जीवन
कोमल भट्ट, नैकाप, काठमाडौँ
हाल:-न्युयोर्क, अमेरिका
१९ कार्तिक, २०६९