लाखौँ बैंस लिलामी भो हटियामा देख्यौ होला
तिम्रै चेली बिक्रि भा’छे रुपियामा देख्यौ होला
रोजगारी छैन कुनै न छ उसको ब्यबसाय
पेट पाल्न बेच्छे शरीर अधियामा देख्यौ होला
भोकाएका ब्वाँसाहरु जताततै बाटो छेक्छन्
अस्मिता नै लुटिएको फरियामा देख्यौ होला
बाध्यताको जालबाट कैले होला निस्किने ऊ
रगतको आँसु बग्छ तकियामा देख्यौ होला
सुन,बुझ,मनन् गर, पिडितको व्यथालाई
ए नेता हो पाठ सिक दुनियामा देख्यौ होला
दलबीर सिंह बराइली ‘घायल’
गुप्तेश्वर-३,रामेछाप
हाल:अबुधाबी,युएई