शहिद

शहिदले राष्ट्रको खातिर
ज्यानको आहुती दिएथे
नडराई छाती थापेर
वीरता देखाएका थिए
आफू जन्मेको यो देशमा
शान्ति ल्याउनकै लागि
ज्यानको बाजी लगाएथे
बम र बारुद उनको छातीमा
चोट सहेर गएका थिए
बन्दुकको गोलीको चोट भोगेर
प्रजातन्त्र, लोकतन्त्र, गणतन्त्र
तिम्रो उपहार पाएका छौं
शान्ति शान्ति भनेर
ज्यान गुमाउन पछि परेनौ
उनकै अमरत्वको लागि भनेर
सपना पूरा गराउनु छ
उनीप्रति श्रद्धासुमन अर्पण गरेर
मैले अनवरत् कलम चलाउने छु
प्रण गरी प्रतिबद्धता जनाएको छु
अमर शहिद सम्मानमा
आज अँझै म र मेरो देशलाई
तिम्रो बलिदानको खाँचो छ
पुनः यस धर्तीमा
फराकिलो छाती र दह्रो मन लिएर
एकपटक आइदिएर
नेपाल आमाका आँसु पुछिदिनोस् ।

अरुणबहादुर खत्री “नदी”