कति बस्छौ परदेशमा

कति बस्छौ परदेशमा चाँडै फर्की आए हुन्थ्यो
खोले सिस्नो जेजे हुन्छसँगै बसी खाए हुन्थ्यो

आजभोलि भन्दाभन्दै वैली सक्यो यो जवानी
हर साँझ बिहानीमा तिमी सामु पाए हुन्थ्यो

दोष नदेऊ कर्मलाई आफ्नै हातमा हुन्छ भाग्य
मनको यो बगैंचामा नौलो फूल लाए हुन्थ्यो

पराईको अधिनमा कति दिन रुँदै बस्ने ?
फर्किएर भाका हाली भैलो रोधी गाए हुन्थ्यो

घर जति सिंगारे नि मन सधैँ अँध्यारो छ
खुशी बनी अंग-अंग तिमी आफै छाए हुन्थ्यो

गुप्तेश्वर-३,रामेछाप
हाल:अबुधाबी,युएई