खुशीको भेल बगेर गयो बालुवा बाँकी छ

खुशीको भेल बगेर गयो बालुवा बाँकी छ
रहरका रुखै काटियो सानो बिरुवा बाँकी छ

तिमी त भयौ खरायो जस्तो उफ्रेर काँ पुग्यौ
म अनि उस्तै बिचरा एक कछुवा बाँकी छ

तिम्रो त्यो माया सिमल भुवा रहेछ के थाहा
आज न मेरा सपना रहे न भुवा बाँकी छ

मायाको मात पियायौ यस्तो बसाई मुटुमा
सुटुक्कै आज अर्कैको भयौ भतुवा बाँकी छ

साथी खै भनी चौतारी अनि हावाले सोध्लान
भन्दिनु एक ‘घायल’जस्तै बटुवा बाँकी छ !

गुप्तेश्वर-३,रामेछाप
हाल:अबुधाबी,संयुक्त अरब इमिरेट्स