निबन्धकार एवं नियात्राकार युवराज नयाघरेको ह्वाइट हाउसको घामपानी नामक नियात्रा सङ्ग्रह एघारौ कृतिको वरिष्ठ साहित्यकार अभि सुवेदीले २०७० चैत २५ गते रामनवमीको दिनमा राजधानीमा विमोचन गर्नुभयो ।
नयाघरेले आफ्नो नियात्रामा स्थानलाईभन्दा पात्र र प्रवृत्तिको संवेदनशीलतालाई ध्यान दिएको दावी गरे ।
नियात्रा सङ्ग्रहको बारेमा डा. ज्ञानु पाण्डेले टिप्पणी गरिन् । नियात्राहरूमा काव्यात्मक भाषा छ उनले भनिन् । नेपाली ठेट शब्दको प्रयोगले नियात्रा सुन्दर बनेका छन् ।
उक्त कार्यक्रममा वि.एन. पुस्तक संसारले प्रकाशन गरेको पाण्डुलिपि नामक साहित्यिक पत्रिकाको पनि प्रथम अङ्कको विमोचन भएको थियो । पत्रिकाको सम्पादक दिपक सापकोटाले पुरानो साहित्यलाई नया पुस्तासँग जोड्न र सबैतिरको साहित्य र संस्कृतिलाई नजिक ल्याउन पत्रिकाले प्रयत्न गर्ने बताए ।
कार्यक्रममा राजन मुकारुङ र श्यामलले पनि आ–आफ्नो मन्तव्य सुनाएका थिए ।
प्रस्तुतिः अरुणबहादुर खत्री “नदी”