भिर

तिम्ले चाहेको संसार त्यो, केवल माया त हैन होला
नलागे फल फुल्नुको, औचित्य पनि छैन होला

मिलन त केवल गोरेटो हो, यात्रा नै पूर्ण कहाँ हो र
प्रेम ले खुसिनै नचुमे , प्राप्तिले मात्र के भो र
साथ त आफ्नै छाया’नि, डुबेसी घाम त्यै र’दैन होला
नलागे फल फुल्नुको , औचित्य पनि छैन होला

होलान ति सपना सुन्दर ,अरुको जस्तै तिम्रो पनि
मान्छे हो अथाह चाहनामा, पौडीन्छन अनायास जो पनि
भिरमा छु प्रिय विवस म, मैदानमा टेकेझैँ हुदैन होला
नलागे फल फुल्नुको , औचित्य पनि छैन होला
तिम्ले चाहेको संसार त्यो, केवल माया त हैन होला
नलागे फल………………………………………होला|