धक फुकाई रुने अनि हाँस्ने मान्छे मन पर्छ
दु:ख सुख जे परे नि बाँच्ने मान्छे मन पर्छ
डाहा इर्ष्या रिसराग सबै सबै त्यागी दिई
भात्किएका सम्बन्ध ती गाँस्ने मान्छे मन पर्छ
जिन्दगी हो पर्न सक्छ अप्ठ्यारा र समस्या त
नआतिई समस्या ती मास्ने मान्छे मन पर्छ
आफ्नो सोच आफ्नो खोज प्रयोग गर्दै हरहमेसा
आँखाभरि खुसीहरू साँच्ने मान्छे मन पर्छ
बिना तामाङ ‘सुनगाभा’
बुढानिलकण्ठ काठमाण्डौँ