इमान क्रय बिक्रय हुन्छ

साँच्चै व्यस्त समय हुन्छ मानिसको यहाँ
किन कठोर हृदय हुन्छ मानिसको यहाँ

अहमताको जग थोरै हल्लिएमा सोच्छन्
कतै ठुलो प्रलय हुन्छ मानिसको यहाँ

दुखीलाई सक्दो जस्ले सहयोग गर्छन्
इच्छाशक्ति संचय हुन्छ मानिसको यहाँ

असत्य चैं हारी दिए सत्यलाई सम्झि
तब मात्रै विजय हुन्छ मानिसको यहाँ

लोभ पाप हिंसाबाट टाढै बस ‘घायल’
इमान क्रय बिक्रय हुन्छ मानिसको यहाँ

गुप्तेश्वर-३,रामेछाप
हाल:अलऐन,युएई