किन हाम्रो सम्बन्धमा पर्खाल छोडेर गयौ
यो आँसुको भेल छेक्न रुमाल छोडेर गयौ ।
यो दिलमा बास दिएँ दिलकै खजना लुट्यौ
खाली खाली छु म यस्तो कंगाल छोडेर गयौ ।
सम्झनाले पोल्छ छात्ति धड्कन बढेर जान्छ
तिमी साँच्चै निष्ठूरी हौ बेहाल छोडेर गयौ ।
तिमी कति टाढा पुग्छौ भागेर मसँग हेरौं
त्यो रित्तो शरिर लिई नेपाल छोडेर गयौ ।
‘घायल’यो मुटुभित्र उम्लेको ज्वालामुखी छ
केके हुने हो धर्तिमा सवाल छोडेर गयौ ।
गुप्तेश्वर-३,रामेछाप
हालःअलऐन,युएई
Copyright©घायल