एउटा लठेप्रो समय


ग्रीष्मको मध्यान्हमा
धूलो उडाउदै हिँड्नु
हिँउदको मध्यरातमा
डाँको छोडेर रुनु
आफ्नै विश्वासको नौनीमा
चिप्लिएर लड्नु
झिना-मसिना
काला कर्तुतहरु
छ्याप्छ्याप्ती छन्
तिम्रै छेउछाउमा !

भींड खोज्दै हिँड्ने गोडाहरु
ब्वाँसो खोज्दै हिँड्ने भेडाहरु
वा संसदको चुनाब
वा भावरको सुक्खा
अथवा शिरैमाथि खस्दै गरेको ढुङ्गो
ओइलाएको लाहुरे फूल
त्यसमा रमाएको
निकृष्ट चेतना
हारेको साँढे
आत्महत्यामा प्रेरित कुरुपताका सौंन्दर्यहरु
कापुरुषताका नपुंसकताभित्र (न) चलमलाउने वीर्य
कुनै आँडे कविताजस्तै
(न)हेर
बजार मृतप्राय: छ
तर पनि बजार सक्रियताको नाममा जिउ मढार्छ
एउटा लठेप्रो समय !

http://narendraparasar.blogspot.co.uk/2013/12/blog-post_3.html

  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *