लाखौं पर्ने घडी लाउँ समय हातमा हुन्न


लाखौं पर्ने घडी लाउँ समय हातमा हुन्न
यो धर्तिमा कति बस्ने निर्णय हातमा हुन्न

कतिखेर बदलिन्छ यो मनै त हो आखिर
दुनियाँ झैं मेरै पनि हृदय हातमा हुन्न ।

छलकपटका बाजी जित्दा घमण्ड के गर्नु
एकदिन हार्छौं जिवन बिजय हातमा हुन्न ।

बैज्ञानिक युग भन्छन् सबै सम्भव छ रे
फेरि पनि प्राकृतिक प्रलय हातमा हुन्न ।

दुःख पीडा ‘घायल’ले किन लेख्यो भन्छौ
नसोध, जो लेख्नु पर्ने बिषय हातमा हुन्न ।

दलबीर सिंह बराइली ‘घायल’
गुप्तेश्वर-३,रामेछाप
हालःअलऐन,संयुक्त अरब ईमिरेट्स

  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *