देश कसैको दास थियो
घोर निशाको त्रास थियो
दग्द बनी विद्रोह बल्यो
शासन कालो डङ्ङ ढल्यो
राजन भागे लोक रहे
रोग अनेकौं थोक गए
एकल शासन् साफ भयो
दानब चाला माफ भयो
न्याय हरायो दण्ड नभै
लाज हरायो साल नगै
फेरि उठे ती सण्डहरु
राष्ट्र विगार्ने चण्डहरु
राष्ट्रपिता हुन् राष्ट्रपति
छैन उनैको तौल रति
मानक मन्त्री मादक भै
देश डुबाए घातक भै
लाज छ सुन्दा योजनको
आज छ चिन्ता भोजनको
हो जनताको आस गयो
यो गणतन्त्रै दास भयो
(मणिमध्यः ९ अक्षरी)
(भ म स)
neupanebnjee@yahoo.com
विष्णुजी दग्द शब्द गलत भयाे ।
विष्णुजी दग्द शब्द गलत भयाे । दग्ध हुनु पर्छ । सुधार गर्नु हाेस् । व्यङ्गप्रहार सबल छ । अरु ठिक ।