चाहेर पनि कहिल्यै

चाहेर पनि कहिल्यै, पाउन नसक्ने प्रेमी हुँ म
मनमा छ माया, देखाउन नसक्ने प्रेमी हुँ म

हो म अलग्गै छु, नगर मेरो तारिफ तिमी
भेट्न् कुनै ठाउँमा, धाउन नसक्ने प्रेमी हुँ म

जाऊ टाढा टाढा तिमी, छैन ममा केही राम्रो
दिएर खुशी दिलमा, छाउन नसक्ने प्रेमी हुँ म

मान्छु म मेरो गल्ती, गल्ती नगर्ने को छ यहाँ
छोपी गल्ती झुट गीत, गाउन नसक्ने प्रेमी हुँ म

कर्तव्य छ सीमा छ, माया मात्र हैन जिन्दगी
भुलेर सबै थोक प्रीत, लाउन नसक्ने प्रेमी हुँ म

रन्जना न्यौपाने
चरिकोट, दोलखा