मुक्तक – १
भूकम्पको दादागिरी, चल्दै छ रे अँझै पनि
गरिबका झुप्रोहरू, ढल्दै छ रे अँझै पनि
अकालमै मरेका ती, मानिसका लासहरू
आर्यघाट्को चितामाथि, जल्दै छ रे अँझै पनि
मुक्तक – २
शहरबाट गाउँतिर पो, झर्दै छन् रे मानिसहरू
भूकम्पको डरले बसाँइ, सर्दै छन् रे मानिसहरू
विदेशबाट अरबौं अर्ब, सहयोगहरू आएपनि
एउटा पालमै हारालुस, गर्दै छन् रे मानिसहरू
मुक्तक – ३
राहत पाउन पनि धर्म, फेर्दैछु भन्छिन् आमा
जे जे भन्छन् चुपचाप, टेर्दैछु भन्छिन् आमा
आपत विपत पर्दाखेरि, मौका छोप्ने जमातको
चर्तिकला टुलुटुलु, हेर्दैछु भन्छिन् आमा
वसन्त दहाल