*******
किन यस्तो हुन्छ, म छक्क पर्छु ।
यी नयन रुन्छ , म छक्क पर्छु ।
*******
एकोहोरिन्छ कहिले मन, बहकिन्छ कहिले,
गजलले मन छुन्छ, म छक्क पर्छु ।
*******
यथार्थमा खुल्दा मन, कल्पनामा डुल्दा मन,
किन तानाबाना बुन्छ, म छक्क पर्छु ।
*******
शब्द आँफै छान्छु, लय आँफै मिलाउँछु,
आफ्नै मनले गुन्छ, म छक्क पर्छु ।
*******
कोहि गर्छन् वा वा, कोहि भन्छन् मिठो गजल,
जब कानले सुन्छ, म छक्क पर्छु ।
*******
साहित्य मन पराउने, भावनामा हराउने,
म जस्तो कुन छ, म छक्क पर्छु ।
*******
—>> प्रकाश पौडेल जिज्ञासु ।
मल्याङ्कोट-१ , स्याङ्जा । (हाल, बुटवल-रुपन्देही ) ।