अभावले पिल्सिएको झोकमा के भयो ?
लुटें, चोरें, ढाँटे, मैले भोकमा के भयो ?
धन सँगै हाँसो खुशी गुम्यो पालैपालो
घाटा मात्रै लाग्छ सबै थोकमा के भयो ?
आफ्नै मान्छे खुशी हुन्छन् दुखी मरेपछि
कस्को आँसु पुछ्दै सोधौं शोकमा के भयो ?
आफ्नो पेट पाल्न आफै लिलामीमा थिएँ
आफै हेर्न सक्छौ तिमी चोकमा के भयो ?
जवाफ के दिन्छौ ‘घायल’यमराजको सामु
सोध्लान् त्यहाँ भन तिम्रो लोकमा के भयो ?
गुप्तेश्वर-३,रामेछाप
हाल:अलऐन,संयुक्त अरब इमिरेट्स
©घायल