खोलालाई सोधि हेर कहाँ पुग्ने बिचारमा छौ?
समयलाई पनि सोध किन तिमी हतारमा छौ?
खरिद बिक्रि हुन्छन् मान्छे नपत्याए ऐना हेर
बिक्रेता र क्रेता आफै जिन्दगीको बजारमा छौ ।
मनभित्र उथल पुथल किन हुन्छन् नसोध्नु है
आँधिहुरी सामान्य हो चाहनाको किनारमा छौ ।
भगवान नै छैनन् यहाँ नत्र भन कस्ले भेट्यो?
पूजा गरी मोक्ष मिल्ने अचम्मैको पत्यारमा छौ ।
‘घायल’हरु छट्पटिंदा पिडकहरु खुशी हुन्छौ?
यत्ति बुझ्नू यो धर्तिमा तिमी पनि करारमा छौ ।
गुप्तेश्वर-३,रामेछाप
हाल: अलऐन,युएई
©घायल