जवानीको प्यास मेट्ने भए आऊ
मात्र एकान्तमा भेट्ने भए आऊ |
टाढाबाट हेरी धेरैचोटी भेट्यौं
दिलको संघारमा टेक्ने भए आऊ |
बाहिरी रुप यस्तै हो कति हेर्छौ अझै ,
बास्तविक भित्रि रुप देख्ने भए आऊ |
मलाई बिश्वाश छ, तिमीलाई’नि होला
मेरो नाम साँच्चै दिलमा लेख्ने भए आऊ |
मेरो लागि यहाँ हाम्फाल्ने छन् कति कति
दुनियाको भिडमा मलाई छेक्ने भए आऊ |
शत्रु हुन्छन् मनभित्रका बाहिर पनि जहाँ सुकै
बैगुनीलाई न्यानो गुनले सेक्ने भए आऊ |||