तिर्खाएकाको लागि पानीको धारा हुनु पो मान्छे
अनाथ बेसहाराको लागि सहारा हुनु पो मान्छे
अरुकै लागि बाँचेका हुन्छन कुकुर गधा पनि
गुण्डा आवराहरूको लागि खतरा हुनु पो मान्छे ।
नेता लुब्ध भएकैले सद्भावको सोपान सुकेको हो
विश्वासको राजनीति नपाएरै जनताले थुकेको हो
भैंसीको मासु चिउरामा अमूल्य भोट सुम्पेकोले
सुशासन कानून र पध्दति डरले लुकेको हो ।
धर्मको अफिम मान्छेहरूले सर्बत झैं पिएका छन्
जातीय युद्धले मान्छेहरू लुगा झैं च्यातिएका छन्
ए ! मानव अधिकारको नगरा बजाउने अभिनेताहरू
२१ सौं शताब्दीका मान्छेहरू कागती झैं च्यापिएका छन् ।