Skip to content

नसोध यो दिलभित्र


नसोध यो दिलभित्र,घाउ कति छन् ।
रहरलाई कुचल्ने ती,पाउ कति छन् ।

हिसाब गरी तौलिन्छन,आफ्नैले यहाँँ
झुक्याउन मानिसलाई,दाउ कति छन् ।

किन्छन् बिक्छन् सबैथोक,रहँदैन केही
गनिसाध्ये छैन यहाँ,साहु कति छन् ।

मानिसका सपनालाई,सपार्ने र बिगारने
वरिपरि हिँडिरहने,शनि राहु कति छन् ।

जनिँदैन बुझिँदैन,कसैलाई पनि यहाँ
मै ठुलो हुँ भन्नेहरूको,भाउ कति छन् ।

रन्जना न्यौपाने
चरीकोट,दोलखा

Leave a Reply

Your email address will not be published. Required fields are marked *