यो देश दुख्दा नेपाली छाती दुखेको राम्रो हो
सगरमाथा हिमाल तराई पहाड हाम्रो हो
ज्यानको बाजी राखेर लड्ने नेपाली सेना यो
लाग्दछ माया हे दाजुभाइ नेपाली माटाको
थाप्नु नै परे छातीमा गोली थाप्नलाई तयार छौँ
आगो र पानी भीर र पाखा नभन्ने सिपाही हौँ
खरको छानो माना र पाथी प्रकृति हाम्रो हो
सगरमाथा हिमाल तराई पहाड हाम्रो हो
पुर्खाको गाथा वीरको कथा भुल्दैनौ कहिल्यै
विपत्ति जस्तै आइ परे नि झुक्दैनौ कहिल्यै
देशको लागि यो ज्यान बलि खुसी भै दिनेछौं
कायर छैनौं मर्नु नै परे हाँसेर मर्ने छौँ
देशको रक्षा खुलेर गर्नु कर्तव्य हाम्रो हो
सगरमाथा हिमाल तराई पहाड हाम्रो हो
यो देश दुख्दा नेपाली छाती दुखेको राम्रो हो
सगरमाथा हिमाल तराई पहाड हाम्रो हो