Skip to content


ढल्दैन यो स्वाभिमान कसै गरे पनि
छातीमाथि देवेन्द्रको बज्रै परे पनि

भन्ने गर्थे बुढापाका हित हुने कुरा
मर्नुहुन्न मानवता जे-जे मरे पनि

गरौं रक्षा कोपिलाको महकिन्छ बाग
टर्छ खाँचो आँगनको फूलै झरे पनि

स्वर्ग नै हो जन्मभूमि ममता हो सुधा
नबिर्सौं है आमालाई सिन्धु तरे पनि

जोगाएरै छाड्छौं हामी शान लुम्बिनीको
शकुनिले अशान्तिको बीउ छरे पनि

Leave a Reply

Your email address will not be published. Required fields are marked *