मलाई त रुवायौ तर म जस्तै रुनु नपरोस् है सानी
दोबाटोमा मजस्तै हराउन नपरोस् है सानी
मैले जस्तै उसले माया गर्ला या नगर्ला
पुर्पुरोमा हात राखी पछुताउनु नपरोस् है सानी ।
सोचेजस्तै जिन्दगीमा कहाँ हुन्छ सबैको
सम्झनामै जिन्दगी बिताउन नपरोस् है सानी ।
मेरो कुरा तीतो लाग्ला सबै वात झूठो लाग्ला
बगेको खोला फर्केर आउँदैन है सानी
अहिले पनि समय छ तिम्रो माया जिउँदैछ
फाटेपछि मन जोड्न धेरै गाह्रो छ है सानी।