हाम्रा ती कठोर बाचा भुलेर,
तिमीमा म आफैं अर्पीत भएछु ।
तिम्रो यौवनको बगैंचा डुलेर,
तिमीमा म आफैं समर्पित भएछु ।।
के गर्यौं र विघ्न हलचल जिन्दगीमा
सिवाय तितो प्रेमको निसाना,
छु अझै पागल पलपल जिन्दगीमा,
के बनायौ मलाई यस्तो दिवाना ।।
के भयो र हामीमा दिल खुलेर,
तिमीमा म आफैं त्रसित भएछु ।
तिम्रो यौवनको बगैंचा डुलेर,
तिमीमा म आफैं समर्पित भएछु ।।
यो कस्तो प्यास हो, या चाहना हो कि
आँखाले तिमीलाई खोजिरहन्छ,
या त पीर भुलाउने, कि बहाना हो कि,
संगमको मीठो साइत सोधीरहन्छ ।।
हराएछु म तिम्रै, मायामा घुलेर
तिमीमा म आफैं चर्चित भएछु,
तिम्रो यौवनको बगैंचा डुलेर,
तिमीमा म आफैं समर्पित भएछु ।।