जोश जाँगर बल सबै त्यो जवानीमा थियो
एउटा नौलो रहर जिन्दगानीमा थियो ।
खै कहाँ के के भयो साथ छोड्यो आँसुले
चिस्सिएको आँसुको दह सिरानीमा थियो ।
साँझ कालो रातले निल्न लाथ्यो धर्ति नै
त्यै अनौठो त्रासदी यो बिहानीमा थियो ।
यो गरिबको सामुमा फुर्ति के देखाउँनू?
मात्र घर तिम्रो ठुलो राजधानीमा थियो ।
दोष देऊ चोट या पार ‘घायल’ यो मुटु
जो बसे मनमा उही भाग्यमानीमा थियो ।
बहर:- मदिद
शुत्र:- २१२२-२१२-/-२१२२-२१२
दलबीर सिंह बराइली ‘घायल’
गुप्तेश्वर-३, रामेछाप
हालः अलऐन, युएइ
©घायल २०१६