किन विष पिएँ


किन विष पिएँ भनी नसोध भो पिएपछि
निष्ठुरीले मुत्युशैया मनमा जब दिएपछि ।

मन फाटेर हृदय नै छियाछिया भयो मेरो
किन चोट लाउन खोज्छौ, एक्लै मन सिएपछि ।

प्रेमको मुना भाँची दियौ, कुरी बस्दा बिसौनीमा
भोभो अब जलप नलाऊ पूरानो भई दिएपछि ।

आजै मरोस् भोलि मरोस्, भनी तिम्ले जपी राख्यौ
बाँच्न मलाई अप्ठ्यारो भो, मनमा ईख लिएपछि ।

किन रून्छौ बनाबटी, ताली बजाऊ हाँसीहाँसी
माया दिन सकेनौ त पीडामा म जिएपछि ।

गुणीमाया आले मगर
कक्षा १२ मानविकी, मन्थली उमावि

  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *