Skip to content

हनुमानलाई (गजल)


उखाल्छ खम्बा अलिभित्र सार्छ
उचाल्छ नेता गुट भित्र पार्छ

बटार्छ थोरै जब कानलाई
खुसुक्क नारा गुणगान झार्छ

उराल्छ पैसा पनि भित्रभित्र
लतार्छ खोजी हनुमान नार्छ

यतै छ बोल्ने परमित्र बोली
बसेर पाखा ऊ जुँगा बटार्छ

दिएर पित्को हनुमानलाई
लुछेर माटो खुब त्यो डकार्छ

मिलेछ दुष्मन् सरिकै छिमेकी
दिदैन बन्नै झन त्यो विगार्छ

कहाँ छ हाम्रो अति राष्ट्रवाद
रुँदैछ माटो कसले उतार्छ

1 thought on “हनुमानलाई (गजल)”

  1. कविता सुन्दर छ चूडाजी ।
    कविता सुन्दर छ चूडाजी । हाम्रो राष्ठ्रियतामाथिकाे चिन्ता छ । हाम्रो छिमेकी पीडा छ । छन्दकवताकाे माेहमा छु म । खुसी लाष्छ यस्ता सामग्री पाउँदा ।

Leave a Reply

Your email address will not be published. Required fields are marked *