रोप्यो कसले पिरतीको फूल

रोप्यो कसले पिरतीको फूल अनौठो
नसिद्धिने बगेर कहिल्यै मूल अनौठो

जोडेर मनका टाकुरा मिलन गराउने
बनायो कसले पिरतीको पुल अनौठो

प्रेम रोग हो थाहा छ जलाउँछ रुवाउँछ
तर पनि मान्छे गर्दछ त्यै भूल अनौठो

मर्दछ मान्छे तर मर्दैन यो प्रेम कहिल्यै
सधैंभरि मुटुमा बिझाउने सुल अनौठो

मिलन अनि बिछोड बराबर छ भोगाई
खुशी बेचेर आँसु बटुल्ने रुल अनौठो

-अजित क्षेत्री