मायामा मनको चाहना बेहिसाब हुन्छ
ब्यापारमा मात्र दौलतको हिसाब हुन्छ
चाहना के हो यसै भन्न सकिन्न हजुर
मनको भित्री गहिराइबाट दबाब हुन्छ
बुझ्नै कठिन कस्तो नशा यो प्रेमको
सुखद भएर पनि यो खराब हुन्छ
सारै अस्थिर हुने रहेछ यो चाहना पनि
कुन बेला कस्को कता झुकाब हुन्छ
अनुमान गर्नै कठिन छ भविष्य प्रेमको
कहिले कुन दिशातिर समयको बहाव हुन्छ
यज्ञ प्रसाद गिरी
आनन्दबस्ती, ललितपुर
बैशाख ३०, २०७३ साल