लडाउनेका दिन छन्

मान्छे मान्छे बीचमा लडाउनेका दिन छन् ।
आफू अघाई बाँकी सडाउनेका दिन छन् ।।

हात जोडेर माग्दै रोइ नकराऊन किन,
ढुङ्गे–मूर्तिलाई भेटी चढाउनेका दिन छन् ।।

जानून या नजानून मतलब छैन कसैलाई,
विद्वान कहलिई पाठ पढाउनेका दिन छन् ।।

मोहजालमा फसाई पारेर मन्त्रमुग्ध,
दाजु–भाई ठगी अंश बढाउनेका दिन छन् ।।

आफ्नो जति राम्रो भएनि थाह छैन,
अर्कैकोमा आँखा गडाउनेका दिन छन् ।।

– खजुराखुर्द १ (बाँके), नेपालगन्ज

  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *