बहानाले मेरा छेउमा नआएकै भए हुन्थ्यो
यता आई मिठो माया नलाएकै भए हुन्थ्यो ।।
हजारौं छन् कुरा मनमा लुकाइराख्नै भयो मुस्किल
ढिपी गर्दै कसम बाचा नखाएकै भए हुन्थ्यो ।।
बडो आनन्दले हामी परस्परमा चिठी लेख्थ्यौं
बरु चिठ्ठी कि हावाले उडाएकै भए हुन्थ्यो ।।
परस्परमा मिली माला प्रीतिको एक गाँसेथ्यौंं
बरु त्यो प्रीतिको माला चुँडाएकै भए हुन्थ्यो ।।
मिठा भाका सुसेलीमा लगाई नाच्दथ्यौं हामी
बरु त्यो गीतमा भाका नहालेकै भए हुन्थ्यो ।।