मुक्तक १
जब म मर्नेछु अनि तिमी एक्लै हुनेछौ
मलामीले शंख फुकी लाँदा कति रूनेछौ
समाज तिमी आफैले बदल्ने हो त्यसैले बिहे गर
गरिनौ भने बाँच्नलाई सधैं मेरै तस्वीर छुनेछौ
मुक्तक २
जानेहरू केही सम्झना छाडेर जान्छन्
मुस्कान दिदै मुटु घायल पारेर जान्छन्
बाँचुन्जेल तिम्रै साथ् दिन्छु भने पनि
गफै गफमा सबै कुरा टारेर जान्छन्
मुक्तक ३
मेरो घरभरि एकदिन मलामी हुनेछन्
चेहेरा मलिन अनि हातमा रामनामी हुनेछन्
जलाउदा मेरो मुटु हेर्न नभुल्नु एकपल्ट
त्यहाँ तिम्रो सजाएका तस्वीर दामी हुनेछन्
किन यति निरस मुक्तक कार जी ?
किन यति निरस मुक्तक कार जी ?