Skip to content

च्यातिएको मायालाई टालिराख्या छु
तिमी आउने आसमा टुकी बालिराख्या छु ।।

नसम्झनु मैले माया मारे भनेर
तिम्रो आशा मनमा अझै पालिराख्या छु ।।

ढोका बन्द गर्नै पर्ने रीत यहाँ छ
तर मैले पारदर्शी जाली राख्या छु ।।

आँसु झार्न नपाएर सारै सकस भो
आँसु थुन्ने परेलीको आली राख्या छु ।।

खपिसक्नु छैन जाडो चिसो बढेर
तिमी आउँछ्यौ भन्दै ओछिन खाली राख्या छु ।।

Leave a Reply

Your email address will not be published. Required fields are marked *