ढोका छाडी झ्यालबाट चिहाउने, कस्ता छिमेकी तिमी ?
अरुको सम्पदामा र्याल चुहाउने, कस्ता छिमेकी तिमी ?
कपडा त कपडा नै हो, कमर बेरे ’नि, शिर ढाके ’नि
फोहरीको लगौटीझै गन्हाउने, कस्ता छिमेकी तिमी ?
धर्म संस्कृति र छोरी-बेटीको सम्बन्धको ’नि कुरा गर्ने
अप्ठ्यारोमा पारी, धाँटी समाउने, कस्ता छिमेकी तिमी ?
म बुझेका हुन्छन, आपसी कुरा एक-अर्काका
जाना-जान आफैलाई नङ्ग्याँउने, कस्ता छिमेकी तिमी ?
कहिले अङ्गालोमा बेर्न खोज्ने, आफ्नो स्वार्थ पुरा हुँदा
अन्यथा ब्वाँसोझै धम्काउने, कस्ता छिमेकी तिमी ?
यज्ञ प्रसाद गिरी
आनन्दबस्ती, ललितपुर
भदौ ७, २०७२ साल