मात्र एकपटक खोसिएको छैन निरन्तर खोसिएको छ
संसार खोसिएको उसको बाँच्ने अवसर खोसिएको छ
उत्ता अदालतले निवेदन दिन पनि दस्तुर माग्यो
श्रीमान म मजदुर हुँ र मेरो ज्यालादर खोसिएको छ
मिल मालिककै कारण केसम्म खोसेको छैन आज
परिवार खोसिएको छ मेरो सुन्दर घर खोसिएको छ
साथी मलाई तिम्रो घाँटी र तातो शरीर चाहिएको छैन
जाडोमा तिमीबाटै मेरो मख्लर र स्विटर खोसिएको छ
आज पनि एक गिलास पानीमै उसले मुद्दा टार्यो
त्यो यस्तो पीडित हो जस्को महासागर खोसिएको छ
बलत्कारी र हत्याराहरू खुलेयाम हिंडिरहे देश्मा आज
हजारौं नवराज र निर्मलाहरुको रहर खोसिएको छ
एकपटक खोसिएको छैन निरन्तर खोसिएको छ
संसार खोसिएको उसको बाँच्ने अवसर खोसिएको छ
सुजन बुढाथोकी
रतुवामाइ-८, मोरङ्ग