गजल

अचेल नेपाली हर मौसम हर याममा ब्यस्त
कोही शहरमा त कोही गाममा ब्यस्त

पेट्रोल नपाउने पेट्रोलको लाममा ब्यस्त
पेट्रोल पाउने सवारिको जाममा ब्यस्त

सर्वहारा शरिर खियाई घाममा ब्यस्त
हाकिमसाब कसैले दिएको खाममा ब्यस्त

नेताजी सधै काग्रेस् र बाममा ब्यस्त
ब्यापारी कालोबजार र दाममा ब्यस्त

बिद्यार्थीचाही गाजा र भाङ् मा ब्यस्त
बूढाबूढी धर्म पाउन चार धाममा ब्यस्त

देशको चिन्ता छैन आफ्नै काममा ब्यस्त
त्यसैलै त नेपालको हालत अस्तब्यस्त