आज फेरि तिमीलाई सम्झदैछु

आज फेरि तिमीलाई सम्झदैछु खै किन हो
जिन्दगीका पानाहरू रंगाउँदैछु खै किन हो

हेरक पटक जिउछु भन्छु जिउन उति कठिन हुन्छ
हारे पनि समयलाई भगाउँदैछु खै किन हो

तिमी सामु आएपछि मनमा अनेक रहर अनि
मरिसकेका आसालाई सजाउँदैछु खै किन हो

के हुने हो भोलि यहाँ थाहा छैन मलाई नि
ओइलिएको मनमा आसा जगाउँदैछु खै किन हो

सपना देख्ने आँखाहरू टोलाउदा नि लोलाउदा नि
अलपत्र परेलीमा बगाउँदैछु खै किन हो

योग राज,
हाल’दुबइ’