राजनीतिको खेल
या क्रान्तिको भेल
कलमको पढाइ
या बन्दुकको लडाइँ
ईतिहासको पन्नामा हिसाब गर्यो
गणतन्त्रमा गणित आयो
एउटा राष्ट्पति जोडियो
एउटा राजा घट्यो
गणितज्ञ माला गाँस्छ
जोड घटाउ हुँदै जान्छ
जोडिने हाँस्छ
घटिने रुँदै जान्छ
हिजो ऊ जोडिएको थियो
आज ऊ घट्यो
किन होला कसरी होला
उसैलाई थाहा होला
घट्नेले विचार गर्छ-गर्दैन
पतनका कारण नियाल्छ-नियाल्दैन
जोडिनेलाई अहंकार आउँछ
म मेरो भन्दै हुँकार्छ
भोलि पनि त जोड घटाउ हुँन्छ
अर्को जोडिन्छ जब जोड्नु पर्ने हुँन्छ
तर आज एउटा राष्ट्पति जोडियो
एउटा राजा घट्यो
लस् एन्जेलस्