हरेक साँझ म पिएर मात्तिएको हुन्छु

हरेक साँझ म पिएर मात्तिएको हुन्छु
उदास यो जिन्दगीदेखि आत्तिएको हुन्छु

धुजा धुजा भै फाटेको जिन्दगी चलाउन
टाल्छु यता, उता तर च्यातिएको हुन्छु

बगर यो एक्लो हुदा जिस्काउँछन् लहरहरू
चुम्छ अनि उसै गरी फ्याँकिएको हुन्छु

मेरो जीवन मेरै मात्र भनुँ भनेदेखि
छताछुल्ल भै पोखिएर बाँडिएको हुन्छु

रोहित असीम
हाल: दोहा, कतार

2 thoughts on “हरेक साँझ म पिएर मात्तिएको हुन्छु”