त्यो बच्चो

त्यो बच्चो भोकै रोईरहेछ
रित्तो आमाको काख छोईरहेछ
सकी नसकी घरी घरी
स्तन चुस्न खोजिरहेछ

बोली छैन बोल्न खोज्छ
मनको कुरो खोल्न खोज्छ
झर्कीरहेछिन् आमा भोकले
बिचरो कहालिँदै अझ रुन्छ

आमाको आँखामा आँशुको धारा
छातीमा टाँस्छिन् भविष्यको सहारा
माया मात्रले पेट भरिन्न
भोको पेटले दुध आउँदैन

नेताको कोखमा उ जन्मेन
एक घुटकी दुध पिउन पाएन
खान पाउनु बच्चोको अधिकार
सुत्केरी सुविधा छैन जनसरकार

सांसदको मात्र संसद रहेछ
भरपेट खाने तिनैले मात्र रहेछ
बच्चो मरे पनि कसलाई माया
केवल आमाको विरह छाँया

लस् एन्जेलस्