साँचो कुरा लेखौँ भने ज्यान, जागिरको आश छ
नलेखौँ त छातीभरि पीडाहरूको ह्रास छ ।
ज्यान, जागिर असुरक्षित हुने ठाउँमा बास छ
आँ गर्दा अलङ्कार बुझ्नोस् भन्ने मेरो आश छ ।
अपराध नलुकाउनु भन्ने जनमास छ
त्यसैले त सङ्केत मात्र, नत्र सत्यानाश छ ।
ज्यान, जागिर असुरक्षित हुने ठाउँमा बास छ
आँ गर्दा अलङ्कार बुझ्नोस् भन्ने मेरो आश छ ।
मेरो जीवन, जीवन होइन साँच्चै जिउँदो लाश छ
थोरैभन्दा धेरै बुझ्नोस् भन्ने मेरो आश छ ।
कहाँनेर कस्तो जागिर सोध्लान् भन्ने त्रास छ
शिक्षण पेसा भन्नुमात्र दुर्गुणहरूको ह्रास छ ।
सबै साँचो कसरी लेख्नु, रामराम सत्यानाश छ
अरू त के पो डर, साथीभाइकै भास छ ।
ज्यान, जागिर असुरक्षित हुने ठाउँमा बास छ
आँ गर्दा अलङ्कार बुझ्नोस् भन्ने मेरो आश छ ।
श्री शिशु रक्षा प्रा.वि.पावाखोला-३,
सङ्खुवासभा