अँध्यारो त्यो आकाशमा जून लागेपछि ।
खुबै राम्री देखिइछ्यौ सुन लागेपछि ।

बदनामी मात्र पाएँ तिम्रो लागि बाँच्दा
यस्तै हुन्छ सायद धेरै गुन लागेपछि ।

कहाँ गए जिन्दगीका मीठामीठा कुरा
बिर्सिइछ्यौ पराइको नुन लागेपछि ।

कसले पो सम्झिन्छ र जाडोलाई फेरि
आङभरि न्यानोन्यानो ऊन लागेपछि ।

बिउँझिँदो रै’छु यसरी नै सपनीमा
मनका सारा कुरालाई फुन लागेपछि ।

  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *