तिमीसँग जिन्दगी

तिमीसँग जिन्दगी यो बिताउने रहर हुँदा
बाचेर नि मरे झै छु त्यही रहर जहर हुँदा

भुल्न खोज्छु जति झनै ताजा बन्छौ स्मृतिमा
बस्ती छोडी गए पनि उही पुरानै शहर हुँदा

प्यास मेट्न आवश्यकता हुनै छोड्यो पानीको त
केवल तिम्रै वियोगमा आँशु झरी नहर हुँदा

अधुरा ती खुसीहरू बल्झिदिँदा बिरानीमा
रात बित्नै गाह्रो भयो पराधिन प्रहर हुँदा

चाहनालाई पन्छाएर बाध्यतालाई अंगाल्दा त
देखिएको लाश छैन बाँच्नु मात्र कहर हुँदा