आदाङ्बे

आदाङ्बे !
तुरा ओ नु
हारा नुखेआङ फेरेओ,
हिन्जाहा:रे
खेनेरक केम्गोताङ
आघ्रे मेभेन्दु ।
पप्पा थेयाङ
मेदानेन ग? लरिक
सेकेम्लाप ।
पप्पा आकतङ्ब
पोखेयी लरिक
सेकेम्लाप ।
आङ्गा
आखेन यी आखेन
पान चोगुङ आङ
लेमुङ्सिङ !
अङ्छेन
ककफेक्वा तङ्नामओ
पप्पा तारो मेतुङ्सिङ,
हेक्केलेआङ केङ्गेरेन ।
तान्दी
सिसेकवा तङ्नामओ
पप्पा तारो मेतुङ्सिङ,
हेक्केलेआङ केङ्गेरेन ।
खेनेरक केम्गो ग आदाङ्बे !
हिन्जाहा
निसामहिम पाङघुङसिङ आङ
एक्लेक यिछिङङा यिल्ले
आनिवारक पङसिङ आङ
पगोगेगोबा
आमिवारक था आदाङ्बे !
चि आर
तुरा बा केरेक यामबकहा
लेरेआङ नुखे फेरेओ ।
बकयो
बकन आनी लाजेओ
ज्या चोक्नाबेन
चोगुम आङ
सोरिक सोरिक युङी
आल्लग
नुखे आङ फेरेओ
आदाङ्बे !

-लिम्बु भाषा कबिता
-सुजन सेलिङ “लुङमाहिम साँहिला”