चराहरू भएनन् भने,
सिङ्गो ब्रहृमाण्डबाट कविहरूको निशान मेटिन सक्छ
धैरैले बिहान भएको चाल नपाउन सक्छन्
मान्छे मन खोलेर हाँस्न बिर्सिन सक्छ
र, बात नलाग्ने गरी चोरिएका
गीतका सरगमहरू हराउन सक्छन् ।
जे पनि हुन सक्छ
जस्तो कि
फूलका थुङ्गाहरू
चुँड्दै जाने हो भने
एकदिन वसन्त नआउन सक्छ ।
जस्तो कि
हलोले छोइहाल्यो भने,
माटोलाई अचानक तीर्खा लाग्न सक्छ ।
जस्तो कि
बाटैमा भेटिन सक्छन्
बाटो बिराएकाहरू
र, जानेहरूले
विमानस्थलमा र बसपार्कमा
अलपत्र छोडेको देश भेटिन सक्छ ।

मधुपर्क २०६८ पुस

  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *