तीन मुक्तक (फरक कुरा, अथाह बन्यो, कहिले होला)

  • by


(१)
घामको दिन जूनको रात, फरक-फरक कुरा ।
फुल्ने फूल नफुल्ने झारपात, फरक-फरक कुरा ।
त्यहाँ बसी किन तिमी गर्छौ विलौना ?
मानवलॊक र मसानघाट, फरक-फरक कुरा ॥

(२)
टुट्यो नाता एउटा कथा बन्यो ।
हरपल मुटु बिझाउने व्यथा बन्यो ।
र पनि बिर्सी जाने उही निष्ठुरीकै,
सम्झना मनमा अथाह बन्यो ॥

(३)
मिलनको उमंग, छर्ने कहिले होला ?
अंग-अंग स्पर्श, गर्ने कहिले होला ?
पर्खाइको वाचामा बित्दैछ दिनहरु,
त्यो सिउँदोमा सिन्दुर, भर्ने कहिले होला ??

पारखी माइला तामाङ
डाढीगुराँसे गाविस- ८,
संगमभन्ज्याङ, सिन्धुली ।

  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *