घुमेका कुरा
बिर्स्यौ हौली तिमीले
ऐले झै लाग्छ ।
कति डुलियो
तिमीसँग साझमा
याद ताजै छ ।
अधमरो म
दिन र रातहरू
आघात भए ।
शब्दहीन छु
रातलाई काट्नु छ
दु:खको जड ।
खातिरदारी
कस्तो निश्चल माया
बिर्सौ कसरी ।
सिगारौकी म
फुलको परागले
अनन्त सम्म ।
सपनाहरू
सडकको पेटीमा
अधुरै रह्यो ।
हिउको फुल
पट्यारलाग्दो चिसो
युरोप भरि ।
कठिन यात्रा
सेताम्मेछन भुमि
बित्यो जवानी ।
मन्द बतास
शिशिरको याममा
चिसिन्छ मन ।
निश्चल माया
आरोपका बाछिटा
भावसुन्य छु ।
बग्ने क्रममा
जीवन बग्दै गयो
पीडाको रङ्ग ।
विमल गिरी
चारपाने झापा,
हल, ब्रस्सेल्स बेल्जियम।