ब्राण्डेड माया

पटकपटक सपनीमा तिमीलाई भेट्ने गर्छु
गुम्सिएका मनका कुरा त्यही भेटमा साट्छु
नजिक हुन खोज्छु तर तिमी टाढा भाग्छौ
आफ्नै ठान्छु तर तिमी पराई झै लाग्छौ

ग्रिनकार्डसँग माया साट्ने मायालुको के दाम
दुइदिनको रामछाँया हौं आस गरेर के काम
तिमीसँग नजिक हुन छल गरेको छैन
फाइभस्टार मायालुको आश गरेकै छैन

जन्तरमन्तर टुनामुना केही लाएको हैन
ब्राण्डेड माया लोकलबाट सम्भव हुने हैन
भिर, पाखा, पखेरोकै माया रैछ साँचो
कस्मेटिक मायालुको हाँसो रैछ पासो

• राम योञ्जन
  पोखरे, भोजपुर ।