रगत हुन्छ रातै दलित

रगत हुन्छ रातै दलित कोही छैन
जनम देखि याहाँ पतित कोही छैन

गर विचार ठूलो नियत राखी साफ
सकल प्राण एकै कथित कोही छैन

नभन माथि तल्लो कपट छोडी देऊ
बचपनै नबित्दै पठित कोही छैन

विगत बिर्सिएरै अब कुभाव त्यागौं
नजर आज फेरौँ अहित कोही छैन

फरक वर्ण भन्दै नगर हेँला फेरि
बुझ, मनुष्य आफैँ रचित कोही छैन

(आदरणीय पोस्टराज सरको छन्द “पान्पोचे”मा आधारित)
सूत्र :- III SIS SII ISS SS
न र भ म गु गु
७ अक्षरमा विश्राम
छन्द:- पान्पोचे

कोमल भट्ट
पुरानो नैकाप काठमाडौँ
हाल:- न्युयोर्क, अमेरिका